नेपालमा जहानीया राणाशासन तथा एकात्मक राजतन्त्रको अन्त्य भए पनि कोइरालाशासनको अन्त्य बाँकी छ ।

हाम्री माननिय परराष्ट्र मन्त्रि दिज्युको अस्वास्थताको खवरले हिजो देखि मनमा अशान्ति छाइरहेको थियो । आफै पनि अलि अस्वस्थताका कारण हिजै सिघ्र स्वास्थलाभको कामना दिनै सकिएन। जे होस ढिलै भए पनि सिघ्र स्वास्थलाभको कामना । नपाउनेले केरा पाको बोक्रै सँग खाको भन्ने नेपाली उखानलाइ चरितार्थ गर्न हाम्री महामहिम सुजाता दिज्यु अगाडी सरेको देखेर म मा महिला हुनुको अर्को पिडा थपिएको छ। हामी नेपालीहरु अझ नेपाली महिलाहरु साह्रै भाग्यमानी छौ यस अर्थमा कि हामी सँग अगुवाको नाममा बाटो हगुवाहरु पाइ रहेका छौ । भन्थे नेपाललाइ खै सतियुगमा सतिले सरापेको रे जे पनि खै के खै के ‌…….प्रुत मात्र हुन्छ ।

हुनत मानिसको जातै वैगुनि हुन्छन जति दिए नी नपुग्ने तर यो पटकको महत्वाकाँक्षी र कुर्सी मोह देख्दा लाग्छ निभ्ने बेलाको बत्तिको चर्को प्रकाश हो । महामहिम कोइराला बा अब कति पो बाच्लान र उनको जति पनि चुरी फुरी छ पिता श्री कोइराला जिवित रहुन्जेल त होलानी । तर जे सुकै भए पनि महिला भित्र रहेको एक प्रकारको महत्वकाँक्षालाइ उजार गरिन सुजताले यो हामी सम्पुर्ण नेपाली नारीहरुको लागी उपहास हो । त्यसै त महिलाहरु सक्षम छैनन भनेर हाम्रा पुरुष मित्रहरुले गाली गरि रहेको अवस्था छ त्यसमा पनि यस्ता महिलाहरु नेतृत्व पँत्तिमा पुगेर सँम्पुर्ण महिलाको हक हितको लागी लड्नुको सट्टा आफ्नो व्यक्तिगत स्वार्थमा चुर्लुम्म डुवुल्कि मार्दा हामी सम्पुर्ण नेपाली महिला मार्कामा परेका छौ । महिलाहरुलाइ स्थान दिइएन भनेर कराइ रहेका अवस्थामा केही भए पनि नेतृत्व पँत्तिमा छन् यिनले हामी सम्पुर्ण महिलाको हक हितको लागी केही गर्लान भनेको त उल्टो हुन गयो । यस्ता महिला नेतृत्वमा अगाडी आउनु भन्दा त नआउनु नै जाती ।
दोष कस्को हो खुट्याउन आवश्यक छ । बिनाकामको नेतृलाइ जवरजस्ती नेतृत्व पङतिमा ल्याउने नेताहरु उस्तो कि, सहमतिको नाममा आफ्ना तानासाह लाद्नने यी गिरीजाबाबु उस्ता हुन् की, माथीका नेताले जे गरेनी स्वीकारेर वस्ने हामी नागरीक उस्ता र? कैयौ वर्ष राजनीतिमा संघर्ष गरेर लडिरहेका अन्य नेताज्यु तथा नेतृहरुलाई पछाडी पारेर सम्हाल्नै नसकिने परराष्ट्रमन्त्री पद पिता महासयको धम्कि र घुर्काइबाट पोल्टा पारी हालिन तर त्यतिले मात्रै कहा पुग्यो र अझै चाहियो उपप्रधानमन्त्री पद । सबै नेपाली जनता राणाशासन तथा एकात्मक राजतन्त्रको अन्त्य गरेर गणतन्त्र ल्याएका छौ भनेर जति सुकै कुर्लिएता पनि अझै ति पुराना सोचका मानिसको अस्तित्व अझै प्रभुत्व मै रहेको छ । ज्ञानेन्द्रको शासनकाल अन्त्य भएता पनि गिरिजा तन्त्रको अन्त्य बाँकी छ । अझै पनि नेपाली नागरिकहरुले कोइराला इज दि ग्रेट भनि रहने हो भने नेपालीहरुको भलो फेरी पनि गर्भ भित्रै कुहिएर जान सक्छ । त्यसैले लौन अवत केही गरौ ।